Տիկնա՛յք և պարոնա՛յք,

Ուրախ եմ ողջունել ձեզ իմ կողմից ստեղծված մասնավոր բարեգործական հիմնադրամի կայքում:

Այս հիմնադրամը վկայում է Հայաստանի հանդեպ իմ սիրո և աշխարհը վերափոխելու
ու կարիքավորներին օգնելու իմ անսասան հանձնառության մասին:

Իմ ընկերներին, գործընկերներին և պարզապես ոչ անտարբեր մարդկանց խնդրում եմ անմասն չմնալ և նվիրատվություն կատարել մեր բարեգործական հիմնադրամին:

Ձեր մասնակցությունը կուղղվի Հայաստանում կարևոր սոցիալական նախագծերի իրականացմանը՝ միտված քրիստոնեական մշակույթի, առողջապահության, կրթության աջակցմանը, օգնությանը կրոնական համայնքներին և Հայ եկեղեցուն:

Եկե՛ք միավորենք մեր ջանքերը այս վեհ նպատակի շուրջ. միասին կարող ենք աշխարհն ավելի լավը դարձնել:

Շնորհակալ եմ ձեր բարության և ապագայի իմ տեսլականը կիսելու համար:

Գոհունակությամբ, երախտագիտությամբ, հույսով ու լավատեսությամբ լցվեց մեր սիրտն ու հոգին,
երբ տեղեկացանք Սերգեյ Ասլանյանի բարեգործական հիմնադրամի նախաձեռնության մասին,
որով, իբրև ազգասեր ու նվիրյալ հայորդի, իր ազնիվ ներդրումը պիտի բերի Հայաստանի շենացման գործին՝ աջակցելով կրոնական հաստատություններին, հոգևոր մնայուն արժեքների զորացմանը, կրթական ծրագրերի և առողջապահական համակարգի զարգացմանը, հասարակության սոցիալական պայմանների բարելավմանը։

Ողջունելով այս հույժ կարևոր նախաձեռնությունն ազգային կյանքում՝ մեր գնահատանքն
ու օրհնությունն ենք բերում ձեզ, և առ Աստված աղոթքով հայցում, որ Աստվածահաճո, ստեղծագործ ազնիվ ձեր ջանքերը՝ հայրենասիրության և գթասրտության ոգով լեցուն, բարի պտուղներով արդյունավորվի Քրիստոսասեր մեր ժողովրդի կյանքում՝ ի խնդիր Հայաստանի բարգավաճման
ու բարօրության։
Ի խորոց սրտի աղոթքով հայցում ենք Բարձրյալ Աստծո շնորհներն ու օգնականությունը և մաղթում,
որ Բարեգութ Տերը Հիմադրամի բոլոր ջանացողներին ազգանվեր գործերի նորանոր հաջողություններ պարգևի։